Азиз дўстлар,
компаниямизнинг расмий веб-саҳифасига хуш келибсиз!

Биз инвестиция ва консалтинг соҳасида бизнес қурмоқдамиз, харидорбоп махсулот ва хизматлар экспорти ва импортини кенгайтириш мақсадида хорижий инвесторлар ва маҳаллий тадбиркорларнинг саъй-ҳаракатларини бирлаштиришга кўмаклашмоқдамиз.

Компаниямиз ҳамкорлар билан яқиндан фаолият юритишга ва истиқболли қўшма лойиҳаларга ўз капиталини сармоя қилишга тайёр. Биз ҳар доим ўзаро манфаатли шартлар асосида узоқ муддатли ҳамкорликка очиқмиз ва ҳамкорлик вариантларини кўриб чиқишга тайёрмиз.

Биз катта оиламиз.
Биз 6 йилдан ортиқ Республикамиз иқтисодиётининг турли тармоқларини ривожлантиришда фаолият юритиб келмоқдамиз.

Мақсадимиз - биз кўрсатаётган хизматларимиз кўламини янада кенгайтиришдир. Шу сабабли ҳар йили фаолиятимизнинг турли йўналишларида янги шўъба ва қўшма корхоналарни ишга тушириб келмоқдамиз.

Бугунги кунда BMB Holding тизимида 30 та корхона, улардан 5 таси қўшма корхона (ҚК) ва 25 та шўъба корхона фаолият олиб боради.

Холдинг фаолияти
Йирик инвестиция лойиҳаларини муваффақиятли амалга оширишдаги бой тажрибамиз компания жадал ривожланишига катта имконини бермоқда.

Холдинг компаниямизнинг фаолият доираси кенг бўлиб, қишлоқ хўжалиги соҳасида (озиқ-овқат, мева-сабзавот ва доривор ўсимликлар кластерларини яратиш), туризм йўналишида (меҳмонхона ва ресторанлар тармоғи), транспорт ва логистика объектларини қуриш, ижтимоий инфратузилмани ривожлантириш, девелоперлик фаолияти, шунингдек, мамлакатимизда спортни ривожлантириш билан боғлиқ бўлган бир қатор ижтимоий ва иқтисодий лойиҳаларни амалга оширадиган компаниялардан иборат.

Бундан ташқари, Давлатимиз Раҳбари бошчилигида Янги Ўзбекистонда олиб борилаётган кенг қамровли ислоҳатларда холдингнинг ўрни ва ролини муносиб равишда кўрсатиш, халқ билан мулоқот ва жамоатчилик билан алоқаларни мустаҳкамлаш, жамиятда объектив ахборот тарқатиш муҳитини шакллантириш, мамлакатимиз халқаро имиджини ва бизнес ҳамкорлигини юксалтириш, миллий ОАВ лари ҳамда ижтимоий тармоқларда тарқатилаётган холис материаллар салмоғи, сифати ва кўламини кенгайтириш, ваниҳоят жаҳон тажрибасида унумли фойдаланилаётган медиа-конвергенция жараёнларини тараққий эттириш мақсадида компания таркибида BMB MEDIA MARKAZ таъсис этилди.