Шу йилнинг 27 октябрь санасида ABAC Holland B.V. компанияси билан тузилган экспорт шартномасига мувофиқ га BMB Za’faron маҳсулотининг дастлабки партияси Нидерландияга жўнатилди.
Хабарингиз бор, жорий йил октябрь ойининг бошларида нидерландиялик шериклар Италиядан келтирилган заъфарон пиёзбошларини Бахмал туманида жойлашган заъфарон плантацияларига экиш, уни парвариш қилиш, йиғиш ҳамда сақлаш бўйича барча жараёнларни кузатиш учун юртимизга келган эди.
Сафар чоғида BMB Za’faron маҳсулотининг барча сифат кўрсаткичлари халқаро стандартлар даражасида эканига қониқиш ҳосил қилган хорижлик шериклар эндиликда амалий ҳамкорликни йўлга қўйишга қарор қилишди.
Маълумот учун, ABAC Holland B.V компапнияси боғдорчилик ва қишлоқ хўжалигида 40 йилдан ортиқроқ тажрибага эга бўлиб, унинг асосий тармоқларидан бири ҳам айнан заъфарон етиштириш, йиғиш, қадоқлаш, қайта ишлаш ва сотиш билан боғлиқ. Шундай қилиб, ўзбек заъфаронининг экспорт жўғрофияси кенгайиб, эндиликда Европанинг энг истиқболли бозорларида ҳам ўзининг муносиб ўрнини топмоқда.
