BMB ПРОФЕССИОНАЛ ФУТЗАЛ КЛУБИ БУ МАВСУМ ҲАМ ЧЕМПИОНЛИКНИ ТАНТАНА ҚИЛДИ
Оқ йўлбарслар жорий йилги мавсумда ҳам муносиб иштирок этиб, муддатидан олдин ғолиб бўлди. Бугун, 23 май куни пойтахтимизда футзал бўйича Олий Лига баҳсларининг сўнгги 11 тур ўйини ўтказилди ҳамда чемпионларга мусобақанинг расмий кубоги топширилди.
Катта футзал тадбирида мавсумнинг энг яхшилари ҳам аниқланди. Хусусан, BMB PFC 
бош мураббийи Нодир Элибоев «Энг яхши мураббий», футзалчиларимиз: Акбар Усмонов «Мавсум тўпурари», Оливеира Болт «Энг яхши футзалчи» сифатида эътироф этилди.
Тадбир давомида энг яхши футзал мухлисларига қимматбаҳо эсдалик совғалари топширилди ҳамда эстрадамизнинг ёрқин юлдузлари иштирокида концерт дастури 
ташкил этилди.
Олий Лига тақдирлаш маросими сўнгида, Ўзбекистон миллий футзал терма жамоаси аъзолари томонидан BMB PFC Президенти Бекзод Маматқуловга футзал ривожи учун қўшаётган улкан ҳиссаси сабабли махсус эсдалик совға топширилди.
✅ Фурсатдан фойдаланиб, футзал жамоамизни яна бир бора ғалаба билан қутлаймиз ҳамда бундан кейинги мусобақаларда омад тилаймиз.
