Жорий йилнинг 31 октябрь куни BMB HOLDING Бош офисида Ўзбекистоннинг Германия Федератив Республикасидаги элчихонаси кўмагида BREITZMANN Edelmetalle & Diamanten компаниясининг асосчиси Карл – Хайнц Гюнтер Брейцман ва компания аъзолари билан учрашув бўлиб ўтди.
Учрашувда дастлаб, европалик меҳмонларга Ҳолдинг фаолияти ва унинг таркибидаги корхоналар томонидан етиштирилаётган, қайта ишланаётган ҳамда хорижга экспорт қилинаётган маҳсулотлар ҳақида маълумот берилди.
Шунингдек, BMB Za’faron бренди остида етиштирилаётган заъфарон, BMB Agro Plus корхонасида чуқур қайта ишланаётган қишлоқ хўжалиги маҳсулотларини Германия бозорига экспорт қилиш, етиштирилаётган маҳсулотларни Европа мамлакатлари талаби асосида қайта ишлаш, заъфаронни Германиядаги озиқ-овқат ва фармацевтика саноатида қўллаш истиқболлари муҳокама қилинди.
Натижада, BMB Za’faron бренди остида етиштирилаётган заъфаронни Германияга экспорт қилиш ва жорий йил декабрь 
ойининг биринчи ярмида мамлакатимизга немис делегациясининг ташрифини амалга оширишга келишиб олинди.
